|
Fimmtudagur, 02. september 2010 13:25 |
|
Á morgun, föstudaginn 3. september 2010, verður árlegur göngudagur í Árskógarskóla. Farið verður frá skólanum kl.8.45. Ekið fram undir Kleif og gengið þaðan að Kleifarsteinunum og þeir sprækustu fara væntanlega alveg upp á brún. Börnin þurfa að hafa með sér nesti og drykk og að vera búin til útiveru. Reyndar er veðurspáin fyrir morgundaginn alveg einstaklega góð. Þ.a. kuldi ætti ekki að verða vandamál. |
|
Mánudagur, 30. ágúst 2010 14:03 |
|
 Fyrirtækið Dalpay á Dalvík færði öllum nemendum sem voru að hefja skólagöngu sína nú á haustdögum skólatöskur með öllum nauðsynlegum námsgögnum. Forsvarsmenn Dalpay komu hingað á fyrsta skóladegi og afhentu gjafirnar og viljum við færa þeim kærar þakkir fyrir þetta framlag. Smelltu á "Nánar" hér að neðan til að sjá fleiri myndir frá heimsókninni.
|
|
Nánar...
|
|
Miðvikudagur, 25. ágúst 2010 20:12 |
|
Frá Grunnskóla Dalvíkurbyggðar
Skólabyrjun
Nemendur mæta í skólann fimmtudaginn 26. ágúst sem hér segir:
Nemendur í Árskógarskóla kl. 09:00
Rúta fer frá Hauganesi kl. 08:30
Nemendur í Dalvíkurskóla í 1. – 6. bekk kl. 10:00
Rúta fer frá Steindyrum kl. 09:40
Rúta fer frá Melum kl. 09:30
Nemendur í Dalvíkurskóla í 7. – 10. bekk kl. 11:00
Rúta fer frá Hauganesi kl. 10:30
Rúta fer frá Steindyrum kl. 10:40
Rúta fer frá Melum kl. 10:30
Gengið inn um aðalinngang
Rútuferðir verða heim að skólasetningu lokinni.
Skólastjóri |
|
|
Þriðjudagur, 17. ágúst 2010 20:33 |
Grunnskóli Dalvíkurbyggðar býður nemendur og foreldra velkomna til samstarfs á nýju skólaári.
Nú hefst skólastarfið að nýju og vonandi hafa allir átt ánægjulegt sumarfrí. Við hlökkum til komandi samstarfs og vonumst til þess að eiga góð og traust samskipti.
Skólastarf sem einkennist af virðingu, trausti og hlýju er okkur mikilsvert og viljum við leggja áherslu á að rækta umhyggju og virðingu í samskiptum okkar.
Rannsóknir sýna að jákvæð viðhorf foreldra til skólans og virk þátttaka í skólastarfinu hefur áhrif á velgengni og velferð barnanna. Því er nauðsynlegt að efla og rækta samskipti og samstarf heimila og skóla og einnig viljum við minna á að foreldrar eru ávallt velkomnir í skólann.
Það er von okkar að samstarfið verði áfram ánægjulegt og skólagangan gangi að óskum. Vinnum saman að því að stuðla að góðri líðan nemenda og að byggja upp góðan skóla. Þannig náum við árangri og gleði.
Starfsfólk Grunnskóla Dalvíkurbyggðar. |
|
Sunnudagur, 15. ágúst 2010 12:36 |
Dalvíkurbyggð hefur ákveðið að innleiða uppeldisstefnu sem unnið verður eftir í stofnunum sveitarfélagsins ervinna með börnum. Uppeldisstefnan er kennd við Diane Gossen sem starfað hefur í Kanada og kallast Uppeldi til ábyrgðar, uppbygging sjálfsaga.
Uppeldi til ábyrgðar miðar að því að ýta undir ábyrgðarkennd og sjálfstjórn barna og unglinga og þjálfa þau í að ræða um tilfinningar og átta sig á þörfum sínum. Vinnuaðferðunum er einnig ætlað að styðja starfsmenn skóla við að móta sér skýra stefnu varðandi samskipti og agamál. Öðru fremur er um að ræða aðferðir við að kenna sjálfstjórn og sjálfsaga og styrkja einstaklinga í því að læra af mistökum sínum. Hugmyndafræðin hefur áhrif á kennsluhætti, stjórnunarhætti, áherslur í lífsleiknikennslu og ekki síst á meðferð agamála (sjá heimild).
Í vetur mun Grunnskóli Dalvíkurbyggðar hefja innleiðingu uppeldisstefnnar og hafa allir starfsmenn skólans farið á tveggja daga námskeið,í umsjón Magna Hjálmarssonar og Sigríðar Ragnarsdóttur, og lært hugmyndafræði Uppeldis til ábyrgðar. Þau voru einnig með kynningu fyrir foreldra í Bergi 10. ágúst síðast liðinn. Í framhaldi mun starfsfólk vinna í hópum að innleiðingunni sem taka mun um tvö ár.
Hér eru ýmsar upplýsingar um Uppeldi til ábyrgðar:
http://netla.khi.is/greinar/2007/003/index.htm
http://sunnuhvoll.com/
http://www.realrestitution.com/ |
|
|
Sunnudagur, 15. ágúst 2010 12:39 |
Nemendur mæta með foreldrum/forráðamönnum í boðað viðtal hjá umsjónarkennara miðvikudaginn 25. ágúst.
Skólasetning 26. ágúst.
Árskógarskóli
Nemendur mæta kl. 09:00
Dalvíkurskóli
Nemendur í 1. – 6. bekk kl. 10:00.
Nemendur í 7. – 10. bekk kl. 11:00.
Skólastjóri |
|
Mánudagur, 03. ágúst 2009 00:00 |
|
Smelltu á "Lesa meira" hér að neðan til að sjá búnaðarlistann.
|
|
Nánar...
|
|
|
|
|
<< Fyrsta < Fyrri 1 2 3 4 5 6 7 8 9 10 Næsta > Síðasta >>
|
|
Síða 1 af 18 |
